CARMELO MIFSUD BONNICI
Carmelo twieled Bormla fl-1897 u daħal l-Università ta’ Malta biex jistudja l-Liġi. Huwa sar magħruf meta kien għadu student peress li kien ikkampanja bis-sħiħ favur id-dritiijiet tal-istudenti bħala President tal-Comitato Permanente Universitario. Xi ftit ġimgħat qabel is-Sette Giugno, huwa pprotesta bħala student flimkien ma’ studenti oħra kontra l-bidliet ippjanati fil-lawrja tal-università fejn l-avukati kienu ser jitilfu d-dritt li jużaw il-kelma ‘dottore’. Matul l-istrajk li sar tal-istudenti l-Anglofilu Francesco Azzopardi qala’ xebgħa bajd. Carmelo Mifsud Bonnici, flimkien ma’ Paolo Borg Olivier, Eduardo Critien u Rosario Farrugia Randon, ittellgħu l-qorti fejn ġew iddikkjarati innoċenti fost il-briju ta’ sħabhom. Huwa gradwa bħala avukat fl-1922.
Fis-snin għoxrin u tletin, Carmelo Mifsud Bonnici ħareġ għall-elezzjoni flimkien mal-Partit Nazzjonalista. Huwa serva erbgħa termini leġiżlattivi u ġie darbtejn appuntat bħala Ministru tal-Finanzi u tal-Pulizija. Il-legati l-aktar imfakkra tiegħu jinkludu l-introduzzjoni tal-kontribuzzjoni tar-romol u l-orfni għall-impjegati tal-gvern u l-bini ta’ djar għall-ħaddiema fl-irħula madwar il-Port il-Kbir. Fi tmiem il-karriera politika tiegħu, huwa ġie appuntat bħala professur tal-università mill-Fakultà tal-Liġi.
Żewġ puplesiji tefgħu lil saħħtu lura ħafna u bilkemm seta’ jitkellem. Huwa ddetta n-noti legali liż-żewġ uliedu subien fuq suġġetti ta’ intenzjoni kriminali u kumpliċità. Il-mard ħakem l-aħħar snin ta’ ħajtu, sakemm miet fl-1948 fl-età ta’ 51 sena. Il-legat tiegħu mexa fuq iż-żewġ uliedu Giuseppe u Ugo, li kienu Prim Imħallef tal-Qorti Suprema u President tal-Gżejjer Maltin rispettivament.
Sorsi
https://timesofmalta.com/articles/view/inspirational-forbear-carm-mifsud-bonnici.687835
https://www.um.edu.mt/library/oar/bitstream/123456789/52405/1/Missieri_il_Gross_2018.pdf
